പ്രത്യയശാസ്ത്രത്തിന്റെ നീറുന്ന ആലയില്‍
മൂപ്പിച്ചെടുത്ത മസ്തിഷ്കമുണ്ടെന്‍കിലും
നിഷ്ക്രിയ യുവതയ്കുഭിമാനമാകാന്‍
നാവിനെ ഞാന്‍ വിലങ്ങു വെച്ചു.
ഭിക്ഷയെടുത്തിടും കുചേലരെക്കാള്‍
ഭ്രാന്തിളകിയ ഫോര്‍ത്തെസ്റ്റേറ്റിനിഷ്ടം
കുബേര പുത്രന്റെ ലീലാവിലാസങ്ങള്‍
ആള്‍ദൈവങ്ങള്‍ക്കുമവരുടെ സ്തോത്രം.
ആത്മീയതയുടെ വഴിയമ്പലങ്ങളില്‍
നിന്നായ് മൂല്യത്തിന്‍ വാണിഭക്കാരെ
ചാട്ടവാറിനിട്ടടിക്കുവാനായ് നവ-
യേശുവിന്നുയിര്‍ത്തെഴുന്നേല്കുമോ?
വികലരാം മനുഷ്യന്റെ കാഴ്ച മടുത്തപ്പോള്‍
വായനക്കായ് വാരിക തുറന്ന ഞാന്‍
ഇടിവെട്ടേററ് നിന്നു പോയ്‌,നോക്കിയപ്പോള്‍
നഗ്നനാരിയും സുന്ദരിക്കോതയും!!
അടര്‍ന്ന് വീഴുന്ന ചുവരുകളിന്മേല്‍
വലിഞ്ഞു കയറിയിരിക്കും ദൈവങ്ങളേ
കേളന്മാരേ, നിങ്ങളറിഞ്ഞതില്ലയോ
മാനവികതയുടെ പാലം കുലുങ്ങുന്നു..
